பதிவுகள்

அனைவருடனும் அறிவினைப் பகிர்ந்து கொள்வோம்

  • Increase font size
  • Default font size
  • Decrease font size

பதிவுகள் இணைய இதழ்

தணியாத தாகம் தீர்ந்தது!

E-mail Print PDF

சில்லையூர் செல்வராசன்கமலினி செல்வராசன்இன்றுள்ளது போல் எம் பெண்கள் தொலைக்காட்சிச் 'சீரியல்'களில் மூழ்கிக் கிடக்காத காலகட்டம். தமிழ் வார இதழ்களில், மாதாந்த நாவல்களில் மூழ்கிக்கிடந்த காலகட்டம். அக்காலகட்டத்தில் ஒவ்வொரு வாரமும் ஒருநாள் அவர்கள் தவறாமல் இலங்கை வானொலியின் முன் கூடுவார்கள். அது 'பல்கலை வேந்தர்' சில்லையூர் செல்வராசனின் 'தணியாத தாகம்' வானொலி நாடகத்தைக் கேட்பதற்காகத்தான். என் உறவுக்கார அக்காமார் பலர் இவ்விதம் கூடிக் கேட்பார்கள். நான் அந்நாடகத்தைத் தொடர்ச்சியாகக் கேட்டு இரசித்தவன் அல்லன். ஆனால் எல்லோரும் இவ்வளவு ஆர்வத்துடன் அந்நாடகத்தைக் கேட்டதால் அந்நாடகம் என் கவனத்தையும் சிறிது ஈர்த்தது.

இலங்கை மக்கள் வங்கியின் ஆதரவுடன் ஒலிபரப்பாகிய அந்நாடகத்தின் இடையில் ஒலிக்கும் சில்லையூர் செல்வராசன் & கமலினி செல்வராசன் தம்பதியினர் இணைந்து பாடும் 'அத்தானே அத்தானே! எந்தன் ஆசை அத்தானே' பாடலை யார் மறப்பார்?

இந்நூலைச் சில்லையூர் செல்வராசன் ஒரு திரைப்படச் சுவடியாகவே எழுதியிருப்பதை நூலின் முதற் பதிப்புக்கான முன்னுரையின் மூலம் அறிய முடிகின்றது. அது 1971இல் வெளியாகியுள்ளது. இரண்டாவது பதிப்பை எழுத்தாளர்கள் புலோலியூர் ஆ.இரத்தினவேலோனும், எஸ்.ரஞ்சகுமாரும் இணைந்து 'மீரா பதிப்பகம்' மூலம் 1999இல் வெளியிட்டுள்ளார்கள். நூலைச் சில்லையூர் செல்வராசன் தனக்கேயுரிய பாணியில் தன் மனைவி கமலினி செல்வராசனுக்குச் சமர்ப்பணம் செய்துள்ளார். கவிஞரான அவர் 'தான்தோன்றிக்கவிஞர்' என்று அறியப்பட்டவர். தான் தோன்றித்தனமாக எழுதாமல் சமர்ப்பணத்தை விடுகதைப் பாணியில் ஒரு கவிதை மூலம் சமர்ப்பித்திருக்கின்றார். அக்கவிதை வருமாறு:

"எழுதுவித்தவளுக்கு!
மன்னி செகராச வல்லி என நாமத்துட்
பின்னி உயிர்க் குள்ளும் பிணைப்பாகி - முன்னின்று
எவள் எனை இக்காதை எழுதுவித் தாளோ
அவளுக் கிந் நூல் அர்ப் பணம்'


மன்னி செகராச வல்லி என்னும் பெயருக்குள் மறைந்துள்ளார் கமலினி செல்வராசன். வித்தியாசமான, தனித்துவம் வாய்ந்த சமர்ப்பணம். இந்நூலினை நூலகம் தளத்தில் வாசிக்கலாம்: http://noolaham.net/project/27/2606/2606.pdf

இந்நூல் பற்றிய தனது முகவுரையில் கமலினி செல்வராசன் அவர்கள் பின்வருமாறு தன் எண்ணங்களைப் பதிவு செய்திருக்கின்றார்:

"அவர் என் மேல் வைத்த அன்பை இரை மீட்டிப்பார்க்கிறேன். தணியாத தாகம் திரைப்படச்சுவடி எழுதிய காலத்தில்தான் காதல் என்று நாமிணைந்தோம். அதனால் கமலி என்ற பாத்திரத்தில் என் இயல்பான குணங்களை அவர் அப்படியே கொண்டு வந்திருக்கிறார்.  அந்த நூலையும் அவர் எனக்கே அர்ப்பணித்தும் இருக்கிறார். இப்படி ஒரு அன்பான காதலரையே கணவனாகவும் பெற்ற நான் பாக்கியசாலிதான்"

'தணியாத தாகம்' வானொலி நாடகமாக வெளியாகிக்கொண்டிருந்தபோது அதனை ஒரு தடவையாவது முழுமையாகக் கேட்க வேண்டுமென்று நினைத்திருந்தேன். அத்தணியாத தாகத்தை நூலுருப்பெற்றுள்ள 'தணியாத தாகம்' திரைப்படச் சுவடி தீர்த்து வைத்துள்ளது.

இந்நாடகத்தைப்பற்றி இதில் சோமுவாக நடித்திருக்கும் அமரர் கே.எஸ்.பாலச்சந்திரன் தனது 'என்னைக்கவர்ந்தவர்கள்' வலைப்பதிவில் பதிவு செய்துள்ளார். அதனையும், அவர் அங்கு பிரசுரித்திருந்த 'தணியாத தாகம்' நாடகக் கலைஞர்களை உள்ளடக்கிய புகைப்படத்தையும் நன்றியுடன் இப்பதிவில் உள்வாங்கியுள்ளேன். கே.எஸ்.பாலச்சந்திரனின் 'தணியாத தாகம்' பற்றிய பதிவு வருமாறு:
தணியாத தாகம் திரைக்கதைச்சுவடி
"அவரது தயாரிப்பில் மக்கள் வங்கி விளம்பர நிகழ்ச்சியாக வந்து வெற்றி பெற்ற " கோமாளிகள் கும்மாளம்" ஏறக்குறைய இரண்டாண்டுகள் ஒலிபரப்பாகி முடிவடைந்த நேரம். அடுத்து என்ன செய்யலாம் என்று யோசித்துக் கொண்டிருந்தார். அவரே எழுதிய "தணியாத தாகம் " என்ற திரைப்படச்சுவடி (Film Script) நூல்வடிவில் வெளிவந்திருந்தது. தற்செயலாக அந்த நூலை பம்பலப்பிட்டி கிறீன்லண்ட்ஸ் புத்தகக்கடையில், பார்த்த நான் ஆவலுடன் வாங்கி வாசித்த பிறகு, அதையே அடுத்த தொடர்நாடகமாகச் செய்யலாம் என்று அவருக்குசொன்னேன். ஒரு நகைச்சுவை நாடகத்துக்கு பிறகு, ஒரு சோகமயமான நாடகம், அதுவும் யாழ்ப்பாணத்தமிழில் எடுபடுமா என்ற சந்தேகம் அவருக்கு இருந்தது. நான் விடவில்லை. செய்து பார்ப்போம் என்று விடாப்பிடியாக நின்றேன். "கோமாளிகள் கும்மாளத்தில்" முக்கிய பாத்திரங்களில் நடித்தவர்கள் எவரும் இல்லாமல் புதிய நடிகர் குழாம் ஒன்று தெரிவாகியது.

கே.எஸ்.பாலச்சந்திரன்(சோமு), விஜயாள் பீற்றர்(யோகம்), கமலினி செல்வராஜன்(கமலி), கே.மார்க்கண்டன்(மாமா), செல்வநாயகி தியாகராஜா(மாமி), வாசுதேவன்(குமார்), ஷாமினி ஜெயசிங்கம்(சோமுவின் காதலி), எஸ்.கே. தர்மலிங்கம்(அப்பா), யோகா தில்லைநாதன்(அம்மா), எஸ். ஜேசுரட்னம், பி.என்.ஆர்.அமிர்தவாசகம், எஸ்.எழில்வேந்தன் என்ற புதுக்குழு களமிறங்கியது. தொடர் நாடகம் ஆரம்பித்து சில வாரங்களில், எராளமான நேயர்கள் வானொலி நிலையத்திறகும், மக்கள் வங்கி முகவரிக்குமாக பாராட்டுக்கடிதங்கள் எழுதத் தொடங்கினார்கள். சோமுவும், தங்கைகள் யோகம், கமலி இருவரும் தங்களின் உடன்பிறப்புகளாக நினைத்து, அவர்களின் துன்பங்களுக்காக கண்ணீர் விட்டு, சந்தோசங்களில் மகிழ்ச்சி அடைவதாக அந்தக்கடிதங்கள் வந்தன. நாட்டின் மூலைமுடுக்கில் இருந்தெல்லாம் ஞாயிறு தோறும் நாலரை மணிக்கு வீடுகளில், தோட்டங்களில், வயல் வரப்புகளில், டிரான்ஸிஸ்டர் ரேடியோக்களோடு காத்திருக்கிறோம் என்றார்கள்.

யாழ்ப்பாணம் சென்ற கொண்டிருந்த இ.போ.ச பஸ் ஒன்று ஞாயிறு 4.30க்கு " அத்தானே அத்தானே எந்தன் ஆசை அத்தானே..கேள்வி ஒன்று கேட்கலாமா உனைத்தானே" என்று ஆரம்பப்பாடல் ஒலிக்க, பஸ்ஸில் இருந்த பிரயாணிகளின் ஏகோபித்த வேண்டுகோளுக்க இணங்க, திருநெல்வேலி தேனீர் கடைக்கு முன்னால் நிறுத்தப்பட்டு , தணியாத தாகம் கேட்கப்பட்டதாக யாரோ சொல்லக்கேட்டு ஆனந்தமடைந்தோம். யாழ்ப்பாணத்திலிருந்து ஒரு அபிமான நேயர், "சோமு"வின் குடும்பகஷ்டத்தை பொறுக்கமுடியாமல் 100ரூபாவுக்கான காசோலையை அனுப்பியிருந்தார். தெல்லிப்பளையிலிருந்து மூன்று சகோதரிகள் தொடர்ந்து தங்கள் கருத்துக்களை நீண்ட கடிதங்களில் எழுதி அனுப்பினார்கள். நாடகத்தை வானொலி ஏற்றவகையில் மாற்றி எழுதி வழங்கிய கே.எம்.வாசகர் , முடிவிலே இந்த சகோதரிகளின் விருப்பபடி சிறு மாற்றம் ஒன்றைச் செய்யும் அளவிற்கு அவர்களது பங்களிப்பு இருந்தது. இத்தொடர்நாடகத்தின் இறுதிக்காட்சி ஒலிப்பதிவு செய்யப்பட்டபொழுது, யோகத்தின் மரணஊர்வலக் காட்சியில் நாங்கள் எல்லோரும் கண்ணீரை அடக்கமுடியாமல் தடுமாறினோம். நீண்ட நாட்களாக அந்தப் பாதிப்பிலிருந்து விடுபடமுடியாமல் தவித்தோம். இப்படி ஒரு வானொலி நாடகம் நிறைவெய்தியது. "

இங்குள்ள 'தணியாத தாகம்' நாடகக்கலைஞர்கள் புகைப்படத்திலுள்ளவர்கள் விபரங்கள் வருமாறு:

தணியாத தாகம் நாடகக் கலைஞர்கள்

நிற்பவர்கள் (வலமிருந்து இடம்): வி.என்.மதியழகன், ஆர்.எஸ்.சோதிநாதன், கே.எம்.வாசகர், எஸ்.வாசுதேவன், கே.எஸ்.பாலச்சந்திரன், பி.என்.ஆர்.அமிர்தவாசகம், கே.மார்க்கண்டன், எம்.கே.ராகுலன், கே.சந்திரசேகரன், எஸ்.ஜேசுரட்னம், எஸ்.மயில்வாகனம், எஸ்.எழில்வேந்தன், எஸ்.சிவசுந்தரம், என்.கே.தர்மலிங்கம்.

இருப்பவர்கள் (வலமிருந்து இடம்): சசி பரம், யோகா தில்லைநாதன், சந்திரப்பிரபா மாதவன், கே.எஸ்.நடராஜா(வானொலி தமிழ் நிகழ்ச்சி தலைவர்), விஜயாள் பீற்றர், ஷாமினி ஜெயசிங்கம், செல்வநாயகி தியாகராஜா, மொறின் கனகராயர்" (கே.எஸ்.பாலச்சந்திரனின் 'என்னைக் கவர்ந்தவர்கள்' வலைப்பதிவிலிருந்து. - http://ksbcreations1.blogspot.com/2007/02/1.html)
நாடகத்தில் 'கமலி'யாக நடித்த கமலினி செல்வராசனை இப்புகைப்படத்தில் காணவில்லை

This e-mail address is being protected from spambots. You need JavaScript enabled to view it



இப்பதிவுக்கான முகநூல் எதிர்வினைகள்:


Maheshan Gajendran இதன் பின்னரா வரணியூரானின் நாடகம் ஒலிபரப்பாகியது. ..பெயரை மறந்துவிட்டேன்

Giritharan Navaratnam 'அ.ந.கந்தசாமியின் 'மனக்கண்' ஒலிபரப்பாகியது நினைவிலிருக்கிறது.

Chelliah Vamathevan Giritharan Navaratnam 'இரைதேடும் பறவைகள்' என்பதாக ஞாபகம்.

Sreeno Sri Sreesu சில்லையின் "தணியாத தாகம்" பெரு மைல்கல்.

Raguvaran Balakrishnan அருமையான பதிவு

Arun Chellappah அந்த நாட்களில் தவறாமல் கேட்டு ரசித்தது;; விஜயாள் பீற்றரின் நெஞ்சை உருக்கி கண்களை கசிய வைத்த வார்த்தைகள் இன்றும் மனக் கண்ணின் முன்னால் >>> ????

Giritharan Navaratnam நூலின் முகவுரையில் கமலினி கூறியிருக்கின்றார் பல வாசகர்கள் கடிதங்கள் எழுதினார்களாம் யோகத்தை (விஜயாள் பீற்றர்) திருமணம் செய்வதாக. நாடகத்தில் அவர் இறந்து விடுகின்றார். கே.எஸ்.பாலச்சந்திரனை நான் அறிந்துகொண்டதும் அந்த நாடகத்தின் மூலம் தான். முழுமையாகக் கேட்காவிட்டாலும் சோமுவாக நடித்த அவரது குரல், விஜயாள் பீற்றர், கமலினி செல்வராசன் ஆகியோரின் குரல்கள் இன்னும் நினைவுகளில் ஒலித்துக்கொண்டிருக்கின்றன. அந்த நாடகத்தின் வெற்றிக்கு அதற்கமைந்த நடிகர்களும் முக்கிய காரணம்.

V.N. Mathialagan Thank you Giritharan. Historical drama

Murugesu Karunagaran நாடக முடிவில் அவர் கூறும் சில்லையூர் செல்வராஜனின் தோழமையுள்ள வணக்கம்...இப்பொழுதும் மனதை விட்டு போகவில்லை. "மக்கள் வங்கியே நம் தோழன் வழி புரிவான் கண்ணே" பாடல் வரிகளும் கூட.....

Sriranjani Vijenthira அந்தச் சகோதரிகள் நாங்கள்தான் என்பதை மகிழ்ச்சியுடன் கூறுவதில் சற்றுப் பெருமையாகவும் இருக்கிறது. இது பற்றி வைகறையில் எங்களின் பெயர்களுடன் அருண் ஒரு கட்டுரை எழுதியிருந்தார். இந்தப் படத்தை பாலா அண்ணா முன்பு அனுப்பியிருந்தார். அது எங்கோ தவறிவிட்டது, இப்போது அதைப் பார்க்கக் கிடைத்ததில் மிக்க மகிழ்ச்சி.

Elayathambi Thayanantha நன்றி கிரிதரன், வானொலியில் நகைச்சுவைக்கு மட்டுமே பயன்பட்ட யாழ்ப்பாண வட்டார வழக்கை மாற்றியமைத்த படைப்பு என்று தணியாத தாகத்தை சொல்லலாம்.

Thinagaran Velayutham Elayathambi Thayanantha இந்த ஒலிப்பேழைகள் இலங்கை வானொலி களஞ்சியத்தில் இன்னும் இருக்குமா?

Giritharan Navaratnam Thinagaran Velayutham நானும் அதையே அறிய ஆவலாகவுள்ளேன்.

Giritharan Navaratnam எழுபதுகள், எண்பதுகள் இலங்கை வானொலித் தமிழ்ச்சேவையின் பொற்காலம்.

Thinagaran Velayutham ஆம். எண்பதுகளின் இறுதி மற்றும் தொண்ணூறு களின் ஆரம்பம் என்பன நான் அறிந்த காலம். வரலாற்றை வாசித்தாலே இன்பம் மீளும்.

Elayathambi Thayanantha Giritharan Navaratnam ஆவணக் காப்பகத்தில் எந்தப் பதிவும் இல்லை. அது ஒரு தனிக் கதை

Giritharan Navaratnam Elayathambi Thayanantha ஏன்? என்ன நடந்தது? எழுத்தாளர்கள் பலர் வானொலிகளில் பல நிகழ்ச்சிகளில் பங்கெடுத்துள்ளார்கள். அவையெல்லாம் அழிந்தவைதாமா?

Thambirajah Elangovan சில்லையூருடன் பழகிய காலங்கள் மறக்கமுடியாதவை.. என் மனதில் இடம்பிடித்த மறக்கமுடியாத இரு பெரும் இலக்கிய ஆளுமைகள் சில்லையூர் - டானியல்..

Elilventhan Sinnathurai படித்தேன்..மக்களுக்கு மறந்துவிட்டதா என்று மனங் கலங்கி நின்றதெல்லாம் மறக்கடிக்கும் பதிவு. நன்றி. அது ஒரு கனாக்காலம்...

Paavai Jeyapaalen நினைவில் உள்ள வானொலி நாடகம்.மிக சிறப்பானதும்கூட.அந்த கலைஞரின் மரணம்....,,வேதனைக்குரியது

Premraj Ollegasegrem Ithu oru Mikach Sirappana Vaanoli Naadakam.Marakkave Mudiyathu????????????

Kandiah Navarednam தினகரன் வாரமலரில் தான்தோன்றிக்கவிராயர் எழுதிய த லைவர்கள் வாழ்க மாதே கவிதைகள் யாரிடமாவது இருப்பின் மறு பிரசுரம் செய்ய தழ்மையுடன் வேண்டுகிறேன்

Giritharan Navaratnam சில்லையூர் செல்வராசனின் கவிதைகளின் முதற் தொகுதி நூலகம் தளத்திலுள்ளது :http://noolaham.net/project/668/66746/66746.pdf

Arunasalam Saththyanantham மிகவும் பயனுள்ள பதிவு. கற்றுக்கொண்டேன். தொடருங்கள்.

Kumaravelu Ganesan கமலினி சில வருடங்களுக்கு முன்பே காலமானார்

Lucas Thiruchelvam நல்ல பதிவு மறக்க முடியாத வானொலி நாடகம், யாழ் மண்ணின் வாசனையை நுகர்ந்த காலம். இன்றும் நினைவில்.

Sellam Ambalam பாதுகாக்கப்பட வேண்டிய பொக்கிசமான பதிவு

Ramalingam Raveendran இலங்கை வானொலி வரலாற்றில் நீங்காத இடம் பிடித்த ஒரு காவியம் எனது பள்ளி பராயத்தில் வானொலியில் தவறாமல் கேட்ட ஒரு நாடகம் இன்றும் என் மனதில் பதிந்த நாடகம் இதில் சம்பந்தப்பட்ட அனைவருக்கும் என்றென்றும் வாழ்த்துக்கள்

Ariyanayagam Manuelpillai சில்லையூர் செல்வராஜன் பல்கலைவேந்தன் என்றழைக்கப்படுவதில் நூற்றுக்கு நூறு பொருத்தமானவர் என்பதை அவரைஅறிந்தவர்கள் அனைவரும் அறிந்ததே.தமிழின் மூத்தகலையான கூத்துக்கலையிலும் ,அப்போதிருந்த புகழ் பெற்ற அண்ணாவியார்களுக்கு இணையாகத்திகழ்ந்தவர் என்பதைச் சிலர் அறியாதிருக்கலாம். எனது தலைமையில் இயங்கிய " யாழ் நவரசநாடகாலயம் " அரங்கேற்றிய கூத்திசை நாடகங்களில் " ஞானசவுந்தரி, மத்தேஸ் மவுறம்மா " ஆகிய இருநாடகங்களில் அரசபாத்திரமேற்று மக்கள் மனங்களைக் கௌள்ளைகொண்டவர் சில்லை. அந்தக்காலங்களில் பெண் பாத்திரங்களில் ஆண்களே பாடிவந்தார்கள். அதைமாற்றி "மவுறம்மா" பாத்திரத்திற்கு பெண் ஒருவரையே பாடவைக்கவேண்டும் என்று நானும் நண்பர் மன்றச்செயலாளர் கிறிஸ்ரியும் எடுத்தமுயற்சி வீண்போகவில்லை. கொழும்புத்துறையில் வாழ்ந்த அண்ணாவியார் அந்தோனிப்பிள்ளையின் மகள் திரேசம்மா துணிந்து முன்வந்தார். கூத்தரங்கில் முதல்தடவையாக பாடி நடித்த பெண்ணுடன் இணைந்து பாடிய கூத்திசைக்கலைஞர் என்ற பெருமைபெற்றவர் சில்லை. கூத்துக்கலைமீது அவர்கொண்டகாதல் அளப்பரியது. " அத்தானே அத்தானே.... திங்கள் எனவந்தாள் .." ஆகிய அவர் இசைத்த பாடல்கள் தென்மோடி இராகங்களிருந்து அவருக்குள் பிறந்ததே. அதை எங்களிடம் அவர் பாடியே காட்டினார்..

Sivashankar Sivapathasuntharam சிறுவயதில் அந்த நாடகத்தை தொடர்ந்து கேட்ட ஞாபகத்தை மனக் கண்ணில் கொண்டு வந்த பதிவு. நாடகத்தில் வந்த 'அண்ணை ரைட்' என்ற நகைச்சுவை பின்பு வெகு பிரபலமானது

Rajagopal Thambiah என் அபிமானக்கலைஞர்களின்.சாதனைப் படைப்பு தான்தோன்றிக்கவிராயர். வாத்தியென.செல்லமாக. நாமெல்லாம்.அழைக்கும் சில்லையூர்.செல்வராசனின் மூலக்கதைக்கு.சிறப்பான.வானொலி வடிவம்.கொடுத்து யாழ்ப்பாண மொழி வழக்கில்.பிரதி எழுதி.தயாரித்து.வழங்கிய இலங்கை வானொலி நாடகத் தயாரிப்பாளருக்கும் அனைத்துக் கலைஞர்களுக்கும்.சிறப்பு வாழ்த்துக்கள் மறக்கமுடியாத.பதிவுக்கு நன்றி

Rajagopal Thambiah நாடகத்தை தயாரித்து வழங்கியவர் என் உடன்பிறவா சகோதரன் கே.எம்.வாசகர்

Ruban Mariarajan சில்லையூர் செல்வராசா,கமலினியுடன் உரையாடியதை மறக்கமுடியாது.

முல்லை நாச்சியார்:  இலங்கை வானொலியின் சிறப்பான காலம் 70' களும் 80' களும் எனச் சொல்லலாம். ஒவ்வொரு கதாபாத்திரமும் ஒன்றிப்போய் நடித்த நாடகம் "தணியாத தாகம்" அதனாலே அது உயிரோவியமாக அமைந்தது. அருமையான பதிவு.

Last Updated on Saturday, 25 April 2020 01:00  


'

பதிவுகள்' இணைய இதழ் ஆரம்பித்ததிலிருந்து இன்று வரை இலவசமாக வெளிவந்துகொண்டிருக்கின்றது. தொடர்ந்தும் இலவசமாகவே  வெளிவரும்.  அதே சமயம்  'பதிவுகள்' போன்ற இணையத்தளமொன்றினை நடாத்துவது என்பது மிகுந்த உழைப்பினை வேண்டி நிற்குமொன்று. எனவே 'பதிவுகள்' இணைய இதழின் பங்களிப்புக்கும், வளர்ச்சிக்கும் உதவ விரும்பினால் , உங்கள் பங்களிப்பு வரவேற்கப்படும். குறைந்தது $5 கனடிய டொலர்கள் (CAD)  நீங்கள் 'பதிவுகள்' இதழுக்கு  உங்கள் பங்களிப்பாக அனுப்பலாம். நீங்கள் உங்கள் பங்களிப்பினை  அனுப்ப  விரும்பினால் , Pay Pal மூலம் பின்வரும் பதிவுகளுக்கான உங்கள் பங்களிப்பு இணைய இணைப்பினை அழுத்துவதன் மூலம் கொடுக்கலாம். உங்கள் ஆதரவுக்கு நன்றி.


PayPal for Business - Accept credit cards in just minutes!

© காப்புரிமை 2000-2020 'பதிவுகள்.காம்' -  'Pathivukal.COM

பதிவுகள்

முகப்பு
அரசியல்
இலக்கியம்
சிறுகதை
கவிதை
அறிவியல்
உலக இலக்கியம்
சுற்றுச் சூழல்
நிகழ்வுகள்
கலை
நேர்காணல்
இ(அ)க்கரையில்...
நலந்தானா? நலந்தானா?
இணையத்தள அறிமுகம்
மதிப்புரை
பிற இணைய இணைப்புகள்
சினிமா
பதிவுகள் (2000 - 2011)
வெங்கட் சாமிநாதன்
K.S.Sivakumaran Column
அறிஞர் அ.ந.கந்தசாமி
கட்டடக்கலை / நகர அமைப்பு
வாசகர் கடிதங்கள்
பதிவுகளின் தோற்றம்/ நோக்கம்
நலந்தானா? நலந்தானா?
வ.ந.கிரிதரன்
கணித்தமிழ்
பதிவுகளில் அன்று
சமூகம்
கிடைக்கப் பெற்றோம்!
விளையாட்டு
நூல் அறிமுகம்
நாவல்
மின்னூல்கள்
முகநூற் குறிப்புகள்
எழுத்தாளர் முருகபூபதி
சுப்ரபாரதிமணியன்
சு.குணேஸ்வரன்
யமுனா ராஜேந்திரன்
நுணாவிலூர் கா. விசயரத்தினம்
தேவகாந்தன் பக்கம்
முனைவர் ர. தாரணி
பயணங்கள்
'கனடிய' இலக்கியம்
நாகரத்தினம் கிருஷ்ணா
பிச்சினிக்காடு இளங்கோ
கலாநிதி நா.சுப்பிரமணியன்
ஆய்வு
த.சிவபாலு பக்கம்
லதா ராமகிருஷ்ணன்
குரு அரவிந்தன்
சத்யானந்தன்
வரி விளம்பரங்கள்
'பதிவுகள்' விளம்பரம்
மரண அறிவித்தல்கள்
பதிப்பங்கள் அறிமுகம்

பதிவுகளில் தேடுக!

counter for tumblr

அண்மையில் வெளியானவை

Yes We Can

விளம்பரம் செய்யுங்கள்


வீடு வாங்க / விற்க


'பதிவுகள்' இணைய இதழின்
மின்னஞ்சல் முகவரி ngiri2704@rogers.com 

பதிவுகள் (2000 - 2011)

'பதிவுகள்' இணைய இதழ்

பதிவுகளின் அமைப்பு மாறுகிறது..
வாசகர்களே! இம்மாத இதழுடன் (மார்ச் 2011)  பதிவுகள் இணைய இதழின் வடிவமைப்பு மாறுகிறது. இதுவரை பதிவுகளில் வெளியான ஆக்கங்கள் அனைத்தையும் இப்புதிய வடிவமைப்பில் இணைக்க வேண்டுமென்பதுதான் எம் அவா.  காலப்போக்கில் படிப்படியாக அனைத்து ஆக்கங்களும், அம்சங்களும் புதிய வடிவமைப்பில் இணைத்துக்கொள்ளப்படும்.  இதுவரை பதிவுகள் இணையத் தளத்தில் வெளியான ஆக்கங்கள் அனைத்தையும் பழைய வடிவமைப்பில் நீங்கள் வாசிக்க முடியும். அதற்கான இணையத்தள இணைப்பு : இதுவரை 'பதிவுகள்' (மார்ச் 2000 - மார்ச் 2011):
கடந்தவை

அறிஞர் அ.ந.கந்தசாமி படைப்புகள்

வ.ந.கிரிதரனின் 'அமெரிக்கா' மின்னூல் விற்பனையில்..

வ.ந.கிரிதரனின் 'அமெரிக்கா' (குறூநாவலும் சிறுகதைகளும்) ஸ்நேகா (தமிழகம்) / மங்கை (கனடா) பதிப்பகங்கள் இணைந்து டிசம்பர் 1996இல் தமிழகத்தில் வெளியிட்ட தொகுப்பு நூல். 'அமெரிக்கா' ஈழத்து அகதியொருவனின் அமெரிக்கத் தடுப்பு முகாம் வாழ்வினை விபரிக்கும் குறுநாவல்.உண்மைச் சம்பவங்களின் அடிப்படையில் புனையப்பட்ட குறுநாவல். இத்தொகுப்பிலுள்ள சிறுகதையான 'ஒரு மா(நா)ட்டுப் பிரச்சினை' தமிழகத்தில் வெளியான 'பனியும் , பனையும்' தொகுப்பிலும் இடம்பெற்றுள்ளது. மேற்படி குறுநாவலினிதும் சிறுகதைகளினதும் ஆங்கில மொழிபெயர்ப்பு (லதா ராமகிருஷ்ணனால் மொழிபெயர்க்கப்பட்டவை) இன்னும் நூலாக வெளிவரவில்லை. 'அமெரிக்கா' நூலின் முதற்பதிப்பினை $ 3 கனேடிய டாலர்களுக்கு PayPal தளத்தினூடு, அல்லது PayPal வழங்கும் கடனட்டை பாவிக்கும் வசதிகளினூடு வாங்கமுடியும். பணத்தைக் கொடுத்ததும் மின்னூல் கோப்பினை நீங்கள் பதிவிறக்கிக் கொள்ளலாம்.  நீங்கள் பணத்தைச் செலுத்தியதும் Order Completed பக்கம் Download இணைப்புடன் (link) திரையில் தெரியும்.  அந்த இணைப்பினை அழுத்தி நூலின் .pdf பிரதியினைப் பதிவிறக்கிக்கொள்ளலாம்.  வாங்க விரும்பினால் இங்கு அழுத்தவும்.

வ.ந.கிரிதரனின் 'மண்ணின் குரல்' மின்னூல் விற்பனையில்...

வ.ந.கிரிதரனின் 'மண்ணின் குரல்' மின்னூல் விற்பனையில். வ.ந.கிரிதரனின் 'மண்ணின் குரல்' நூலானது 'வன்னி மண்', 'அருச்சுனனின் தேடலும், அகலிகையின் காதலும்', 'கணங்களும், குணங்களும்' மற்றும் 'மண்ணின் குரல்' ஆகிய நான்கு நாவல்களின் தொகுப்பு. தமிழகத்தில் குமரன் பப்ளிஷர்ஸினரால் 1998இல் இதன் முதற்பதிப்பு வெளியிடப்பட்டது. 'மண்ணின் குரல்' ஏற்கனவே மங்கை பதிப்பகத்தினால் (கனடா) நாவல், கட்டுரைகள், கவிதைகளடங்கிய சிறு தொகுப்பாக வெளியிடப்பட்டது. நூலின் முதற்பதிப்பினை $ 4 கனேடிய டாலர்களுக்கு PayPal தளத்தினூடு, அல்லது PayPal வழங்கும் கடனட்டை பாவிக்கும் வசதிகளினூடு வாங்கமுடியும். பணத்தைக் கொடுத்ததும் மின்னூல் கோப்பினை நீங்கள் பதிவிறக்கிக் கொள்ளலாம்.  நீங்கள் பணத்தைச் செலுத்தியதும் Order Completed பக்கம் Download இணைப்புடன் (link) திரையில் தெரியும்.  அந்த இணைப்பினை அழுத்தி நூலின் .pdf பிரதியினைப் பதிவிறக்கிக்கொள்ளலாம்.   வாங்க விரும்பினால் இங்கு அழுத்தவும்


பதிவுகள் (Pathivukal- Online Tamil Magazine)



'பதிவுகள்' -  பன்னாட்டு இணைய இதழ்! |  ISSN  1481 - 2991
ஆசிரியர்:  வ.ந.கிரிதரன்
Editor-in - Chief:  V.N.Giritharan

'பதிவுகள்' -  பன்னாட்டு இணைய இதழ்! |  ISSN  1481 - 2991

"அனைவருடனும் அறிவினைப் பகிர்ந்து கொள்வோம்"

"Sharing Knowledge With Every One"

ஆசிரியர்:  வ.ந.கிரிதரன்
மின்னஞ்சல் முகவரி: ngiri2704@rogers.com
'பதிவுகள்'இணைய இதழில் விளம்பரம்: விபரங்கள்

'பதிவுகள்' ஆலோசகர் குழு:
பேராசிரியர்  நா.சுப்பிரமணியன் (கனடா)
பேராசிரியர்  துரை மணிகண்டன் (தமிழ்நாடு)
பேராசிரியர்   மகாதேவா (ஐக்கிய இராச்சியம்)
எழுத்தாளர்  லெ.முருகபூபதி (ஆஸ்திரேலியா)

அடையாளச் சின்ன  வடிவமைப்பு:
தமயந்தி கிரிதரன்

'Pathivukal'  Advisory Board:
Professor N.Subramaniyan (Canada)
Professor  Durai Manikandan (TamilNadu)
Professor  Kopan Mahadeva (United Kingdom)
Writer L. Murugapoopathy  (Australia)

Logo Design: Thamayanthi Girittharan

Yes We Can


Dr. Lalithambigai (Lali) Thambiaiyah

Dr. Lalithambigai (Lali) Thambiaiyah passed away on April 16, 2020 at Kaiser Hospital in Walnut Creek, California, USA. She was 61 years old. She is preceded in death by her father Mr. Kandiah Elankanayagam Kathirgamalingam, Retired Crown Advocate (1977), mother Manonmany (2014), sister Vijeyalakshmi (2018), father-in-law Velupillai Suppiah Thambiaiyah (1991), and mother-in-law Saraswathy (1987). Read More

வ.ந.கிரிதரனின் 'குடிவரவாளன்' நாவலினை மின்னூலாக வாங்க
வ.ந.கிரிதரனின் 'குடிவரவாளன்'
எழுத்தாளர் வ.ந.கிரிதரனின் 'குடிவரவாளன்' நாவலினை மின்னூலாக பிடிஃப் வடிவத்தில் வாங்க விரும்புபவர்கள் கீழுள்ள இணைய இணைப்பில் வாங்கிக்கொள்ளலாம். விலை $4 (கனடியன்): https://www.fatfreecartpro.com/i/yz46?single

வ.ந.கிரிதரனின் 'அமெரிக்கா' நாவலின் திருத்திய இரண்டாம் பதிப்பினை மின்னூலாக  வாங்க...

'அமெரிக்கா' மின்னூலினை, பிடிஃப் கோப்பாக  $3 (கனடியன்) செலுத்தி வாங்குவதற்கான இணைய இணைப்பு: https://www.fatfreecartpro.com/i/yzc9?single

எழுத்தாளர் வ.ந.கிரிதரன்

' வ.ந.கிரிதரன் பக்கம்'என்னும் இவ்வலைப்பதிவில் அவரது படைப்புகளை நீங்கள் வாசிக்கலாம். https://vngiritharan230.blogspot.ca/

No Fear Shakespeare

No Fear Shakespeare
சேக்ஸ்பியரின் படைப்புகளை வாசித்து விளங்குவதற்குப் பலர் சிரமப்படுவார்கள். அதற்குக் காரணங்களிலொன்று அவரது காலத்தில் பாவிக்கப்பட்ட ஆங்கில மொழிக்கும் இன்று பாவிக்கப்படும் ஆங்கில மொழிக்கும் இடையிலுள்ள வித்தியாசம். அவரது படைப்புகளை இன்று பாவிக்கப்படும் ஆங்கில மொழியில் விளங்கிக் கொள்வதற்கு ஸ்பார்க் நிறுவனம் வெளியிட்டுள்ள No Fear Shakespeare வரிசை நூல்கள் உதவுகின்றன.  அவற்றை வாசிக்க விரும்பும் எவரும் ஸ்பார்க் நிறுவனத்தின் இணையத்தளத்தில் அவற்றை வாசிக்கலாம். அதற்கான இணைய இணைப்பு:

நூலகம்

வ.ந.கிரிதரன் பக்கம்!

'வ.ந.கிரிதரன் பக்கம்' என்னும் இவ்வலைப்பதிவில் அவரது படைப்புகளை நீங்கள் வாசிக்கலாம். https://vngiritharan230.blogspot.ca/

THANK YOU!

ஜெயபாரதனின் அறிவியற் தளம்

எனது குறிக்கோள் தமிழில் புதிதாக விஞ்ஞானப் படைப்புகள், நாடகக் காவியங்கள் பெருக வேண்டும் என்பதே. “மகத்தான பணிகளைப் புரிய நீ பிறந்திருக்கிறாய்” என்று விவேகானந்தர் கூறிய பொன்மொழியே என் ஆக்கப் பணிகளுக்கு ஆணிவேராக நின்று ஒரு மந்திர உரையாக நெஞ்சில் அலைகளைப் பரப்பி வருகிறது... உள்ளே

Wikileaks

மதுரைத் திட்டம்

மதுரைத்திட்டம்

Shami Accounting Services

charles_nirmalarajan5.jpg - 19.08 Kb

We provide complete accounting, federal and provincial tax services to individuals or businesses. Our objective is to continue to provide our clients with the highest level of service at the lowest possible fee tailor to your specific needs. Visit our site.

படிப்பகம்

உலக வானொலி