சென்னையில் இயங்கிவரும் தேசிய நாட்டுப்புறவியல் உதவி மையம் இந்தியாவெங்கும் மரபிசை, ஓவியம், நடன வடிவங்களை ஆவணப்படுத்தி, பராமமரித்துப் பரவலாக்கி வருமொரு ஸ்தாபனம்.  இன்றைய காலகட்டத்தில் நாட்டுப்புறக் கலைகளை அழிவினின்றும் பாதுகாக்கும் பொருட்டு இந்திய நாட்டுப்புறக்கலை வடிவங்களைப் பாதுகாத்து, நாட்டுப்புறக் கலைஞர்களுக்கு ஆதரவளித்தும் வருகிறது. இந்தியாவின் பல்வேறு மாநிலங்கலையும் சேர்ந்த பாரம்பர்யக் கலைஞர்களை மாதந்தோறும் அழைத்து, அக்கலைஞர்களின் மாநிலங்களைச் சேர்ந்த கலைகளின் வடிவங்களை அறிமுகப்படுத்தும்பொருட்டு பயிற்சிப் பட்டறைகளை நடாத்தி, முடிவில் கண்காட்சிகளையும் நடத்தி வருகிறது. அத்துடன் அக்கண்காட்சிகளில் மேற்படி கலைஞர்களின் படைப்புகளை இலாபநோக்கற்று விற்று, கிடைக்கும் வருமானத்தை அக்கலைஞர்களுக்கே பகிர்ந்தளித்தும் வருகிறது.

அத்துடன் ஆய்வுக் கட்டுரைகள், மதிப்புரைகள், செயல்பாட்டுத் தகவல்கள் கொண்ட  'Indian Folk Life' என்னும் ஆங்கில செய்திக் கடிதத்தினை  காலாண்டிதழாக வெளியிட்டு வருகிறது.  மேலும் Indian Folklore Research Journal என்னும் ஆராய்ச்சி இதழை ஆண்டிதழாக வெளியிட்டு வருகிறது. இந்நிறுவனம் பற்றிய விபரங்கள், அதன் செயற்பாடுகளைப் பற்றி அவர்களது இணையத் தளத்தில் அறிந்து கொள்ளலாம். இவ்வமைப்பு ஜூன் 24, 2006 சனிக்கிழமை மாலை 5.30  மணிக்கு டில்லி ஜவர்ஹர்கலால் நேரு பல்கலைக்கழகத்தைச் சேர்ந்த பேராசிரியர் ஜோதிந்திரா ஜெயின் அவர்களின் சிறப்பு விரிவுரையொன்றினை ஏற்பாடு செய்துள்ளது.  விபரங்கள் வருமாறு: