இணையத்தில்ஹூகுள் மூலம் தேடுங்கள்!
Google

 

'அனைவருடனும் அறிவினைப் பகிர்ந்து கொள்வோம்!'

'Sharing Knowledge with every one'!

logo.gif (31909 bytes)pathivukal.gif (1975 bytes)             Pathivugal  ISSN 1481-2991

ஆசிரியர்:வ.ந.கிரிதரன்                                    Editor: V.N.Giritharan
யூன் 2006 இதழ் 78 -மாத இதழ்
 பதிவுகள் 
Pathivukal
பதிவுகள் சஞ்சிகை உலகின் பல்வேறு நாடுகள் பலவற்றில் வாழும் தமிழ் மக்களால் வாசிக்கப்பட்டு வருகிறது. உங்கள் வியாபாரத்தை  சர்வதேசமயமாக்க பதிவுகளில் விளம்பரம் செய்யுங்கள். நியாயமான விளம்பரக் கட்டணம். விபரங்களுக்கு ngiri2704@rogers.com 

என்னும் மின்னஞ்சல் முகவரிக்கு எழுதுங்கள்.
பதிவுகளில் வெளியாகும் விளம்பரங்களுக்கு விளம்பரதாரர்களே பொறுப்பு. பதிவுகள் எந்த வகையிலும் பொறுப்பு அல்ல. வெளியாகும் ஆக்கங்களை அனைத்துக்கும் அவற்றை ஆக்கியவர்களே பொறுப்பு. பதிவுகளல்ல. அவற்றில் தெரிவிக்கப்படும் கருத்துகள் பதிவுகளின்கருத்துகளாக இருக்க வேண்டுமென்பதில்லை.
இங்கே விளம்பரம் செய்ய வேண்டுமா? 
ads@pathivukal.com
Amazon.Ca
In Association with Amazon.ca
தமிழ் 
எழுத்தாளர்களே!..
அன்பான இணைய வாசகர்களே! 'பதிவுகள்' பற்றிய உங்கள் கருத்துகளை வரவேற்கின்றோம். தாராளமாக எழுதி அனுப்புங்கள். 'பதிவுகளின் வெற்றி உங்கள் ஆதரவிலேயே தங்கியுள்ளது. உங்கள் கருத்துகள் ­ப் பகுதியில் இணைய வாசகர்கள் நன்மை கருதி பிரசுரிக்கப்படும்.  பதிவுகளிற்கு ஆக்கங்கள் அனுப்ப விரும்புவர்கள் யூனிகோட் தமிழ் எழுத்தைப் பாவித்து மின்னஞ்சல் editor@pathivukal.com மூலம் அனுப்பி வைக்கவும். தபால் மூலம் வரும் ஆக்கங்கள் ஏற்றுக் கொள்ளப் படமாட்டாதென்பதை வருத்தத்துடன் தெரிவித்துக் கொள்கின்றோம். மேலும் பதிவுக'ளிற்கு ஆக்கங்கள் அனுப்புவோர் தங்களது சரியான மின்னஞ்சல் முகவரியினைக் குறிப்பிட்டு அனுப்ப வேண்டும். முகவரி பிழையாகவிருக்கும் பட்சத்தில் ஆக்கங்கள் பிரசுரத்திற்கு ஏற்றுக் கொள்ளப் படமாட்டாதென்பதை அறியத் தருகின்றோம். 'பதிவுக'ளின் நோக்கங்களிலொன்று இணையத்தமிழை வளர்ப்பது. தமிழ் எழுத்துகளைப் பாவித்துப் படைப்புகளை பதிவு செய்து மின்னஞ்சல் மூலம் அனுப்புவது அதற்கு முதற்படிதான். அதே சமயம் அவ்வாறு அனுப்புவதன் மூலம் கணிணியின் பயனை, இணையத்தின் பயனை அனுப்புவர் மட்டுமல்ல ஆசிரியரும் அடைந்து கொள்ள முடிகின்றது.  'பதிவுக'ளின் நிகழ்வுகள் பகுதியில் தங்களது அமைப்புகள் அல்லது சங்கங்களின் விழாக்கள் போன்ற விபரங்களைப் பதிவு செய்து கொள்ள விரும்புகின்றவர்கள் மின்னஞ்சல் மூலம் அல்லது மேற்குறிப்பிடப்பட்ட முகவரிக்குக் கடிதங்கள் எழுதுவதன் மூலம் பதிவு செய்து கொள்ளலாம்.
Download Tamil Font
கவிதை!
தேர்தல் வேண்டாம்! எங்களுக்கு வேணும் இடைத்தேர்தல்கள்!

ஆல்பர்ட், விஸ்கான்சின்,அமெரிக்கா.

தேர்தல் வந்தாச்சு!வந்துட்டாங்களய்யா...வந்துட்டாங்களய்யா...!
அஞ்சு வருஷத்துக்கப்புறமா வந்துட்டாங்களய்யா!
வீடுவீடா...தெருத்தெருவா...
ஊரு...ஊரா...கும்புட்டு
ஓட்டுக்கேட்டு வந்துட்டாங்களய்யா!
அதச் செய்வோம்; இதச் செய்வோம்
வெள்ளச்சட்டை கரைவேட்டியோட
வந்து ஓட்டுக்கேட்டவங்க... மறுபடியும்
வந்துட்டாங்கய்யா.... வந்துட்டாங்க...!
எங்கவூருக்கு எதையாவது செஞ்சா
சரிங்கய்யா ஒங்களுக்கே ஓட்டுன்னு
நாங்க வாக்களித்தபடி வாக்குப் போட்டு
அனுப்பினோம்...எங்க கந்தவேட்டியோட!

ஜெயிச்சப்புறம்...கோட்டைக்கு போனப்புறம்
வூட்டுக்கு வேணாம்...தெருவுக்கு வேணாம்
ஊருக்காச்சும் வருவாங்கன்னு வாராவாராம்
பாத்தோமய்யா...வருஷங்கள்தாம் வந்துபோச்சுய்யா!
ஆனா, இப்ப கரைவேட்டியோட வெள்ளையும்
சுள்ளையுமா வந்துட்டாங்கய்யா...எங்களைத்
தேடிவாராத மாமணிகள்வந்துட்டாங்கய்யா.....!
ரோடு என்னாச்சு? லைட்டு என்னாச்சு?
அட, தெருக்குழாய் தண்ணியும் என்னாச்சு?
தவிக்கத் தவிக்க தேடிப்போய் எம்.எல்.ஏவையும்
கேட்டோமய்யா... நாங்களும் கேட்டோமய்யா!
வரும்...வரும்... எல்லாம் வரும்...
அங்கங்கே சொல்லீருக்கேன் என்று
எங்க மொகம் பாக்காமக் கூடச் சொன்னாரு
எங்கவூரு எம்.எல்.ஏ.ங்கய்யா...!

இப்ப வீடுவீடா...தெருத்தெருவா...
ஊரு...ஊரா...கும்புட்டு
ஓட்டுக்கேட்டு வந்துட்டாங்களய்யா!
தெருவெளக்கும் வரல; கொழாய் தண்ணியும்
வரல; கல்லு ரோடு அப்படியே கெடக்கு...!
காருக்குள்ள கல்லுகுத்தாம செருக்கா ஒக்காந்து
இப்ப எதுக்கு வந்தீங்கய்யா? எதுக்கு வந்தீங்க?‌கேட்டோம்.
அட, என்னங்கய்யா வெபரம் புரியாம நீங்கள்ளாம்
கடகடன்னு பேசுறீங்க? நாங்க தண்ணி விட, போட்டாங்க
தடா...மத்தியில! தெருவிளக்கு கோடிக்கணக்கா
மடமடன்னு வாங்கினோம்; மின்சாரம் குடுக்கல மத்தியில!?
ரோடு போட கல்லு வேணும்; தாராளமா தார் வேணும்.
காடு போய் கல்லு வெட்டுவீங்க; ஆறு மணல் எடுப்பீங்க!
நாடு என்னாகும்? சுற்றுச் சூழல் கெட்டு நாட்டுக்கே
கேடு வந்துடும்ன்னு மத்தியில எழுதாத சட்டம் போட்டாங்கய்யா!?
இதுக்கெல்லாம் முடிவு வேணாமா? அதான் இப்ப தேர்தல்
இங்கும் மத்தியிலும் ஆட்சி ஒண்ணா இருந்தா வராது
இந்த சிரமம் எல்லாம்; நாங்களே எல்லாம் செய்வோம்!
இதனாலேயே எங்களுக்கு போடணும் நீங்க ஓட்டு! சொன்னாங்கய்யா.
எங்க கஷ்டத்தை சொன்னா விடிவு பொறக்கும்ன்னு
ஒங்ககிட்ட சொன்னா ஒங்க கஷ்டத்தைச் சொல்லுதியளே? இப்ப
நாங்க என்ன செய்யிறதய்யா? என்ன செய்யிறதய்யா?
எங்களுக்குப் புரியலையே அய்யா?! புரியலையே அய்யா?!
சிக்கன் முட்டை பிரியாணி சிறப்பாவே தாறோம்; திருப்தியா சாப்பிட்டு,
நிக்கும் என்னை கோட்டைக்கு அனுப்பவேண்டியது ஒங்க பொறுப்பு.
திக்கெட்டும் என் குரல் ஒங்களுக்காய் ஒலிக்கும்; இனி எந்த
இக்கட்டும் வராது ஒங்களுக்கு நம்புங்கய்யா; நம்புங்க!
மூணுவேளை சாப்பாடு இலவசம்; புள்ளைங்க படிப்பு இலவசம்'
நாணும் செயிச்சால் தெருவிளக்கு பகல்போல எரியும்;
காணும் இடமெல்லாம் என் பிரதிநிதிகள் உங்கள் சேவைக்கு!
வேணும் இடமெல்லாம் தார்ச்சாலை; கிராமம் நகரமாகும், நம்புங்கய்யா!
காவிரியில் கங்கையை இணைப்பேன்; டவுண் பஸ்சில் பயணிக்க
தாவி ஏறினாலும் டிக்கெட் எடுக்காமல் இலவசமாய் போகலாம்!
காவி வேட்டி, சேலை இலவசம் நேர்த்திக்கடன் பக்தர்களுக்கு!
சாவி பூட்டு ஒவ்வொரு வீட்டுக்கும் இலவசம்; இன்னுமிருக்கய்யா..!
இப்ப வீடுவீடா...தெருத்தெருவா...
ஊரு...ஊரா...கும்புட்டு
ஓட்டுக்கேட்டு வந்துட்டாங்களய்யா! வந்துட்டாங்க!
இப்ப நாங்க என்ன செய்யிறதுங்கய்யா? என்ன செய்யிறது?

வாக்கு போடும் எங்களுக்கு வாக்களித்தபடி செய்வதில் சிக்கலாம்!
சாக்கு போக்கு சொல்லும் இவர்களை நம்பமுடியவில்லையே?! இவர்கள்
நாக்கு மாறும் விதம் கட்சிக்கு கட்சி மாறினாலும் காட்சிகள் மாறாது!
தாக்கும் தன்மைகளில்! பாவம் ஓரிடம்,பழி ஓரிடம் போல்!
எங்க பக்கத்து தொகுதி எம்.எல்.ஏ.,செத்துப்போனாரு; இடைத்தேர்தல்
அங்க வந்துச்சு! மூணுவருஷமா கேட்டுக்கேட்டு அலுத்துப் போன
அந்த தொகுதிக்கு அடிச்சுது லாட்டரி! அம்புட்டு வசதியும் அடுத்தடுத்து
அங்க வந்த அதிசயம் பாத்தோமுங்க அய்யா! பாத்தோமுங்க!
ஆனா, அப்பவும் இங்க இவுங்க! அங்க அவுங்க ஆட்சிதான்!
ஆனா, எப்படி இந்த அதிசயங்கள் மின்னலாய் நடந்தது? எப்படி?
வேணா முங்க தேர்தல் எங்களுக்கு! வேண்டவே வேண்டாம்! எங்க
கணா பலிக்கணும்ன்னா இடைத் தேர்தல்களே வேணுமய்யா! வேணும்!
தேர்தல்கள் வேண்டாம்! எங்களுக்கு வேணும் இடைத்தேர்தல்கள்!
தேர்தல் கமிசனே எங்களுக்கு தேறுதல் அளிப்பாயா? ஆறுதல் தருவாயா?
தேர்தல் களே இல்லை; இடைத் தேர்தல்கள் மட்டுமே என்ற அறிவிப்பைமட்டும்!

albertgi@gmail.com
 

© காப்புரிமை 2000-2005 Pathivukal.COM
முகப்பு||Disclaimer|வ.ந,கிரிதரன் 
aibanner