கடன் தருவோம்!

நீங்கள் கனடாவில் வசிப்பவரா? உங்களுக்கு 'மோர்ட்கேஜ்' வசதிகள் இலகுவாகச் செய்து தர வேண்டுமா? கவலையை விடுங்கள். யாமிருக்கப் பயமேன்! விபரங்களுக்கு இங்கே அழுத்துங்கள்

மணமக்கள்!

சுவாமி ஞானப்பிரகாசரின் யாழ்ப்பாண வைபவ விமரிசனம்(ஆங்கிலத்தில்)|முதலியார் இராசநாயகத்தின்)|மயில்லவாகனப் புலவரின் யாழ்ப்பாண வைபவமாலை|மட்டக்களப்பு இந்து ஆலயம்|ஸ்ரீனிவாச ஐயங்காரின் தமிழர் சரித்திரம்|தென்னிந்தியாவின் ஆலய நகரங்கள்|

வன்னிப் பகுதியில் தினமும் 250 குடும்பங்கள் இடம்பெயர்வு!
நிவாரணம் வழங்க உதவுமாறு கோரிக்கை!

வன்னியில் இடம்பெற்றுவரும் கடும் மோதல்களால் தினமும் 250 குடும்பங்கள் என்ற ரீதியில் மக்கள் இடம்பெயர்ந்து வருவதாக முல்லைத்தீவு அரச அதிபர் செயலக வட்டாரங்கள் தெரிவிக்கின்றன. வன்னியில் வவுனியா, கிளிநொச்சி மற்றும் முல்லைத்தீவு மாவட்டங்களில் யுத்தம் தீவிரமடைந்து வருகிறது. தினமும் கடும் மோதல்கள் நடைபெறுகின்றன. பாரிய படைநடவடிக்கை, கடும் ஷெல் தாக்குதல், பல்குழல் ரொக்கட் தாக்குதல்களாலும் விமானத் தாக்குதலாலும் தினமும் பெருமளவு குடும்பங்கள் தங்கள் வீடுவாசல்களை விட்டு வெளியேறி வருகின்றனர். நாளொன்றுக்கு சராசரியாக 250 குடும்பங்கள் வரை இடம் பெயர் வதாக முல்லைத்தீவு மாவட்ட செயலகத்தகவல்கள் தெரிவிக்கின்றன.

நிதிவழங்கும் நிறுவனங்கள் இடம்பெயரும் மக்களின் நிலையைக் கருத்திற்கொண்டு உதவ முன் வரவேண்டும் என புதுக்குடியிருப்பு உதவி அரசாங்க அதிபர் பணிமனையில் இடம்பெற்ற இடம்பெயர்ந்த மக்களுக்கான அவசர மனிதாபிமான உதவிகள் தொடர்பான விசேட கலந்துரையாடலில் வேண்டுகோள் விடுக்கப்பட்டுள்ளது.

கடந்த 31 ஆம் திகதி வரையான காலப்பகுதிவரை 33,327 குடும்பங்களைச் சேர்ந்த ஒரு இலட்சத்து முப்பத்தெட்டாயிரத்து நானூற்றி தொண்ணூற்றி மூன்றுபேர் இடம் பெயர்ந்துள்ளதாகவும் சுட்டிக்காட்டப்பட்டுள்ளது. ஏற்கனவே இடம்பெயர்ந்தவர்களையே பராமரிக்க முடியாத நிலையிலும் அவர்களுக்கு இருப்பிடங்களை அமைத்துக் கொடுக்க முடியாத நிலையிலும் தினமும் பெருமளவு மக்கள் இடம் பெயர்வதால் வன்னியில் நிலைமை மேலும் மேலும் மோச மடைந்து வருவதாகவும் தெரிவிக்கப்படுகிறது.

வன்னியில் இடம்பெயர்ந்த மக்களுக்காக 1000 கூடாரங்கள் அவசரமாக அமைப்பு

வன்னியில் இடம்பெயர்ந்து மரங்களின் கீழ் தங்கியுள்ள மக்களுக்கான உடனடி உதவியாக 1000 பிளாஸ்ரிக் கூடாரங்களை அமைக்கும் பணி ஆரம்பிக்கப்பட்டுள்ளது. அகதிகளுக்கான ஐ.நா. உயர்ஸ்தானிகராலயத்தின் (யு.என்.எச்.சி.ஆர்.) நிதியுதவியில் இவை மேற்கொள்ளப்படுகின்றன. முதற்கட்டமாக 460 கூடாரங்கள் அமைக்கப்படுகின்றன. தற்காலிக வீடுகளை அமைப்பதற்கு முன்னதாக மரங்களின் கீழ் தங்கியுள்ள மக்களை மழையிலிருந்து பாதுகாப்பதற்காகவே இக்கூடாரங்கள் அவசரமாக அமைக்கப்படுவதாக அதன் பிரதிநிதி ஒருவர் தெரிவித்தார்.

இதேவேளை, கிளிநொச்சி மாவட்டத்தில் 22 நலன்புரி நிலையங்களில் 2000 குடும்பங்கள் தங்கியுள்ளதாகவும் இவர்களில் அதிகமானோர் பாடசாலைகளில் தங்கியுள்ளதாகவும் தெரிவிக்கப்பட்டுள்ளது.

இவ்வாறு தங்கியுள்ள மக்களுக்கான தற்காலிக வீடுகள் அமைத்துக் கொடுக்கப்பட வேண்டியுள்ளதாகவும் 50 வீதமான வீடுகள் உடனடித் தேவையாகவுள்ளதாகவும் கிளிநொச்சி மாவட்ட அரசசார்பற்ற நிறுவனங்களின் இணையம் தெரிவித்துள்ளது.

நன்றி: தினக்குரல் 08 - September - 2008
http://www.thinakkural.com