பதிவுகள்

அனைவருடனும் அறிவினைப் பகிர்ந்து கொள்வோம்

  • Increase font size
  • Default font size
  • Decrease font size

பதிவுகள் இணைய இதழ்

வாசிப்பும், யோசிப்பும் (359): ஶ்ரீமாவோ பண்டாரநாயக்க பற்றிய கூற்றும், சில சிந்தனைகளும்

E-mail Print PDF

இலங்கையின் முன்னாள் பிரதமர் ஶ்ரீமாவோ பண்டாரநாயக்க (இவர் உலகின் முதலாவது பெண் பிரதமர்) பற்றிய எழுத்தாளர் பொ. கருணாகரமூர்த்தியின் முகநூற் பதிவொன்று ஏற்படுத்திய நினைவலைகள் இவை:

எழுத்தாளர் பொ.கருணாகரமூர்த்தியின் (Karunaharamoorthy Ponniah) ஶ்ரீமாவோ அம்மையார் பற்றிய முகநூற் பதிவு: "ஆனந்தசங்கரி அவர்கள் பதவியில்லாமல் இருந்தபோது 1983 இல் பெர்லினில் கூடியிருந்த நண்பர்களிடத்தில் சொன்னது: “ இந்தக்கூட்டணி, மாட்டணி ஒன்றுந்தேவையில்லை, அமிரை வீட்டில இருக்கவைச்சிட்டு.....நாலு எம்பிக்களை தமிழ்ப்பகுதியிலிருந்து அவளுக்கு (ஸ்ரீமாவோ) அனுப்பியிருந்தால் தமிழர்களுக்கு வேண்டிய அனைத்தையும் அவளிட்ட வாங்கியிருக்கலாம்…………. முட்டாள் தமிழர்களுக்கு மூளை ஒருநாளும் வேலை செய்யாதென்றன். வெங்காயம் விளைஞ்சநேரம் வெங்காயத்தையும், மிளகாய் விளைஞ்சநேரம் மிளகாயையும் அரசாங்கக்காசில இறக்குமதிசெய்து ஜே.ஆரைபோல தமிழர்களுக்கு வம்புபண்ற கெடுபுத்தி அவளுக்கில்லை, அவள் மனுஷி……. !” நீங்கள் என்ன சொல்கிறீர்கள்?"

என்னைப்பொறுத்தவரையில் ஶ்ரீமாவோ பண்டாரநாயக்க கொண்டு வந்த புதிய அரசியலமைப்புச் சட்டம், தரப்படுத்தல் ஆகியவை, தமிழ் இளைஞர்களைக் கைது செய்து சிறையில் அடைத்தது போன்றவற்றால் எழுந்த எதிர்ப்பு தமிழரசுக்கட்சியினரைக் கூட்டணி அமைத்து தமிழீழம் கேட்க வைத்தது. மாவை சேனாதிராஜா, வண்ணை ஆனந்தன் என்று 42 தமிழ் இளைஞர்கள் (தமிழ் இளைஞர் பேரவையைச் சேர்ந்த) கைது செய்யப்பட்டுச் சிறைகளில் அடைக்கப்பட்டார்கள். ஆனால் உண்மையில் ஶ்ரீமாவின் ஆட்சிக்காலத்தில் ஏற்பட்ட நன்மைகளாக நான் கருதுவது:

1. யாழ் பல்கலைக்கழகம் அவர் காலத்தில் உருவானது.
2. உள்ளூர் உற்பத்திகளை அவர் ஊக்குவித்தது. இன, மத வேறுபாடற்று இவ்வகையான உற்பத்திகளை அவரது அரசு ஊக்குவித்தது. தோட்டப்பக்கமே செல்லாத தமிழ் இளைஞர்கள் பலர் வன்னிக்குச் சென்று மிளகாய் பயிரிட்டு இலாபம் சம்பாதித்தார்கள்.
நான் அறிந்திருக்கின்றேன்.
3. தமிழக நூல்கள், சஞ்சிகைகளுக்கு ஏற்பட்ட தடை காரணமாக வீரகேசரி பிரசுரங்கள் வெளியாகி வரவேற்பைப் பெற்றன. இலங்கைத் தமிழ் எழுத்தாளர்களின் படைப்புகள் பல நூலுருப்பெற்றன.
4. உள்ளூர் உற்பத்தி பல துறைகளிலும் ஊக்குவிக்கப்பட்டது.
5. அக்காலகட்டம் இலங்கைத் தமிழ்ச் சினிமாவின் பொற்காலம் என்று கூடக் கூறலாம். கோமாளிகள், நான் உங்கள் தோழன், வாடைக்காற்று எனத் தமிழ்த்திரைப்படங்கள் திரையிடப்பட்டு நீண்ட நாள்கள் ஓடிச்சாதனை புரிந்த காலகட்டம்.

உண்மையில் தரப்படுத்தலைக் கொண்டு வந்தது இவரது கல்வி அமைச்சர் பதியுதீன் முகம்மத். தரப்படுத்தல் தகுதியான நகர்ப்புறத் தமிழ் மாணவர்களின் பல்கலைக்கழக அனுமதியை மறுத்ததுதான் தமிழ் மாணவர்களை அதிக அளவில்
அரசுக்கெதிராகத் திருப்பக் காரணமாக அமைந்தது. ஆனால் அதே தரப்படுத்தல்தான் பின் தங்கிய பிரதேச மாணவர்களுக்குப் பல்கலைக்கழக அனுமதியை அதிக அளவில் வழங்கவும் காரணமாகவும் அமைந்தது. குறைந்த புள்ளிகளுடன் பல்கலைக்கழகங்களுத் தெரிவாகிய பல பின் தங்கிய பிரதேசத்து மாணவர்கள் , அதிக புள்ளிகளுடன் தெரிவான நகர்ப்புற மாணவர்களை விடத்திறமையாகப் பல்கலைக்கழகங்களில் விளங்கியதையும் கண்டிருக்கின்றேன். மட்டக்களப்பு, கிளிநொச்சி, வன்னிப்பகுதி மாணவர்கள் பலர் தரப்படுத்தலால் மிகுந்த பயனடைந்துள்ளார்கள். பல்கலைக்கழகங்களில் திறமையான மாணவர்களாகவும் விளங்கியிருக்கின்றார்கள்.

யாழ்ப்பாணக்கல்லூரியில் மாரசிங்க என்னும் சிங்கள இளைஞர் கத்திக்குத்துக்காளாகியபோது அச்சம்பவம் நாடெங்கும் பரவி இனக்கலவரமொன்று ஏற்படாதவகையில் , செய்தியைப்பரவ விடாமல் அவரது அரசு தடுத்திருந்தது.

இவரது ஆட்சிக்காலத்தில் நிகழ்ந்த ஏனைய முக்கிய விடயங்களாகப் பின்வருவனற்றைக் குறிப்பிடலாம்:

1. ஜேவிபியினரின் முதற் புரட்சி தோல்வியில் முடிந்தது. தோல்வியில் முடிந்த புரட்சிக்காலகட்டத்தின் போது பல மாதங்கள் இலங்கையில் பாடசாலைகளுக்கு விடுமுறை விடப்பட்டது. நினைவில் நிற்கும் காலகட்டம். இந்தியப்படையினரின் உதவியுடன் முறியடிக்கப்பட்ட புரட்சியின் முடிவில் சிங்கள இளைஞர்கள் நூற்றுக்கணக்கில் சரணடையும் செய்திகளைத்தாங்கிப் பத்திரிகைகள் வெளியாகின. நினைவிலுள்ளது.
2. சீனர்கள் இலவசமாக பண்டாரநாயக்க சர்வதேச நினைவு மண்டபத்தைக்கட்டிக் கொடுத்தார்கள் (அவ்விதமே நினைவு). அதுபோல் கட்டுநாயக்க விமான நிலையத்தையும் சீனர்களே கட்டிக்கொடுத்ததாக நினைவு.

இவரது ஆட்சிக்காலத்தில் ஏற்பட்ட மறக்க முடியாத இன்னுமொரு விடயம்: உணவுக்காக கியூவில் நின்றது. காலைகளில் பாண் வாங்க பேக்கறிகள் முன்னால் கியூவில் நின்றது இன்னும் நினைவிலுள்ளது. பேக்கறிக்காரர்கள் இதனால் கொள்ளை இலாபம் சம்பாதித்தார்கள்.

என்னைப்பொறுத்தவரையில் இலங்கையின் மிகவும் கொடிய ஜனாதிபதியாக ஜே.ஆர். ஜெயவர்த்தனேயையே கூறுவேன். அவரது அரசியற் செயற்பாடுகளே நாட்டில் பின்னர் ஏற்பட்ட அனைத்துப்பிரச்சினைகளுக்கும் முக்கிய காரணங்கள். குறிப்பாகச் சில காரணங்கள்:

1. 1977 இனக்கலவரம். போரென்றால் போர். சமாதானமென்றால் சமாதானம் என்று அவர் முழங்கிக் கலவரத்தைத்தூண்டி விட்ட கலவரம்.
2. 1981 யாழ் பொதுசன நூலகம் எரிந்தது அவரது அமைச்சரான காமினி திசாநாயக்க தலைமையில்தான்.
3. 1983 இனக்கலவரம். ஜே.ஆரின் அமைச்சர்கள் பலர் முன்னெடுத்த , திட்டமிடப்பட்டு புரியப்பட்ட இனக்கலவரம்.
4. 1979இல் பயங்கரவாதத் தடைச்சட்டத்தை அமுலுக்குக்கொண்டு வந்து , அவ்வருட டிசம்பர் 31ஆம் திகதிக்கு முன்னர் பயங்கரவாதத்தை ஒடுக்கும்படி கட்டளையிட்டு தனது மருமகன் பிரிகேடியர் வீரதுங்கவை யாழ்ப்பாணம் அனுப்பி தமிழ் இளைஞர்களைக் கைது செய்தார்; கொன்றொழித்தார். இன்பம், செல்வம் போன்ற இளைஞர்களின் படுகொலைகள் நினைவில் நிற்கின்றன.

ஜேஆர் அரசியலில் சாணக்கியம் மிக்க குள்ளநரி. இவரே பண்டா -செல்வா ஒப்பந்ததிற்கெதிராகக் கண்டிக்குப் பாத யாத்திரை செய்தவர். தனது அரசியல் எதிரிகளைப் பழி வாங்குவதிலும் வல்லவர். ஶ்ரீமா அம்மையாரின் குடியுரிமையினைப்பறித்துத் தேர்தலில் போட்டியிடாமல் தடுத்த இவர் பின்னர் தான் உருவாக்கிய 83 கலவரத்துக்குக் காரணமாக ஜேவிபியினரைக் குற்றஞ்சாட்டி அக்கட்சியினையும் தடை செய்தார்.

இவரது அரசியல் நடிவடிக்கைகளே பின்னர் ஈரினங்களுமிடையிலான சமூக யுத்தமாக வெடித்து, உபகண்ட, சர்வதேசப் பிரச்சினைகளிலொன்றாகி, முடிவில் முள்ளிவாய்க்காலில் பேரழிவுகளுடன், இன்றைய ஜனாதிபதி, அவரது போர்த்தளபதிகளின் போர்க்குற்றங்களுடன், ஆயிரக்கணக்கில் தமிழ் மக்கள் கொன்றழிக்கப்பட்ட நிலையில் முடிவுக்கு வந்தது. உண்மையில் பாரதப்பிரதமர் இந்திரா காந்தி இலங்கைத்தமிழர் பிரச்சினையைத் தமது கையிலெடுத்ததன் முக்கிய காரணமே அமெரிக்க சார்பு ஜே.ஆர் அரசின் அரசியல் நிலைப்பாடுதான். அதுவே அக்காலகட்டத்தில் இந்தியா தன் தேச நலன்களுக்காக இலங்கைத்தமிழர் பிரச்சினையில் முழுமையாக தன்னை ஈடுபடுத்தக் காரணமாக அமைந்தது. பின்னர் இந்தியா தன் படைகளை இலங்கைக்கு அனுப்பவும் ஜே.ஆரின் இலங்கைத்தமிழர் பிரச்சினை மீதான அணுகுமுறையே முக்கிய காரணம். ஆனால் அவ்விதம் வந்த இந்திய அமைதி காக்கும் படையினையும், விடுதலைப்புலிகளையும் மோத விட்டு வேடிக்கை பார்த்தது ஜே.ஆரின் அரசியல் சாணக்கியம் எனலாம்.

This e-mail address is being protected from spambots. You need JavaScript enabled to view it

Last Updated on Friday, 06 March 2020 10:52  


'

பதிவுகள்' இணைய இதழ் ஆரம்பித்ததிலிருந்து இன்று வரை இலவசமாக வெளிவந்துகொண்டிருக்கின்றது. தொடர்ந்தும் இலவசமாகவே  வெளிவரும்.  அதே சமயம்  'பதிவுகள்' போன்ற இணையத்தளமொன்றினை நடாத்துவது என்பது மிகுந்த உழைப்பினை வேண்டி நிற்குமொன்று. எனவே 'பதிவுகள்' இணைய இதழின் பங்களிப்புக்கும், வளர்ச்சிக்கும் உதவ விரும்பினால் , உங்கள் பங்களிப்பு வரவேற்கப்படும். குறைந்தது $5 கனடிய டொலர்கள் (CAD)  நீங்கள் 'பதிவுகள்' இதழுக்கு  உங்கள் பங்களிப்பாக அனுப்பலாம். நீங்கள் உங்கள் பங்களிப்பினை  அனுப்ப  விரும்பினால் , Pay Pal மூலம் பின்வரும் பதிவுகளுக்கான உங்கள் பங்களிப்பு இணைய இணைப்பினை அழுத்துவதன் மூலம் கொடுக்கலாம். உங்கள் ஆதரவுக்கு நன்றி.


PayPal for Business - Accept credit cards in just minutes!

© காப்புரிமை 2000-2020 'பதிவுகள்.காம்' -  'Pathivukal.COM

பதிவுகள்

முகப்பு
அரசியல்
இலக்கியம்
சிறுகதை
கவிதை
அறிவியல்
உலக இலக்கியம்
சுற்றுச் சூழல்
நிகழ்வுகள்
கலை
நேர்காணல்
இ(அ)க்கரையில்...
நலந்தானா? நலந்தானா?
இணையத்தள அறிமுகம்
மதிப்புரை
பிற இணைய இணைப்புகள்
சினிமா
பதிவுகள் (2000 - 2011)
வெங்கட் சாமிநாதன்
K.S.Sivakumaran Column
அறிஞர் அ.ந.கந்தசாமி
கட்டடக்கலை / நகர அமைப்பு
வாசகர் கடிதங்கள்
பதிவுகளின் தோற்றம்/ நோக்கம்
நலந்தானா? நலந்தானா?
வ.ந.கிரிதரன்
கணித்தமிழ்
பதிவுகளில் அன்று
சமூகம்
கிடைக்கப் பெற்றோம்!
விளையாட்டு
நூல் அறிமுகம்
நாவல்
மின்னூல்கள்
முகநூற் குறிப்புகள்
எழுத்தாளர் முருகபூபதி
சுப்ரபாரதிமணியன்
சு.குணேஸ்வரன்
யமுனா ராஜேந்திரன்
நுணாவிலூர் கா. விசயரத்தினம்
தேவகாந்தன் பக்கம்
முனைவர் ர. தாரணி
பயணங்கள்
'கனடிய' இலக்கியம்
நாகரத்தினம் கிருஷ்ணா
பிச்சினிக்காடு இளங்கோ
கலாநிதி நா.சுப்பிரமணியன்
ஆய்வு
த.சிவபாலு பக்கம்
லதா ராமகிருஷ்ணன்
குரு அரவிந்தன்
சத்யானந்தன்
வரி விளம்பரங்கள்
'பதிவுகள்' விளம்பரம்
மரண அறிவித்தல்கள்
பதிப்பங்கள் அறிமுகம்

பதிவுகளில் தேடுக!

counter for tumblr

Yes We Can

விளம்பரம் செய்யுங்கள்


வீடு வாங்க / விற்க


'பதிவுகள்' இணைய இதழின்
மின்னஞ்சல் முகவரி ngiri2704@rogers.com 

பதிவுகள் (2000 - 2011)

'பதிவுகள்' இணைய இதழ்

பதிவுகளின் அமைப்பு மாறுகிறது..
வாசகர்களே! இம்மாத இதழுடன் (மார்ச் 2011)  பதிவுகள் இணைய இதழின் வடிவமைப்பு மாறுகிறது. இதுவரை பதிவுகளில் வெளியான ஆக்கங்கள் அனைத்தையும் இப்புதிய வடிவமைப்பில் இணைக்க வேண்டுமென்பதுதான் எம் அவா.  காலப்போக்கில் படிப்படியாக அனைத்து ஆக்கங்களும், அம்சங்களும் புதிய வடிவமைப்பில் இணைத்துக்கொள்ளப்படும்.  இதுவரை பதிவுகள் இணையத் தளத்தில் வெளியான ஆக்கங்கள் அனைத்தையும் பழைய வடிவமைப்பில் நீங்கள் வாசிக்க முடியும். அதற்கான இணையத்தள இணைப்பு : இதுவரை 'பதிவுகள்' (மார்ச் 2000 - மார்ச் 2011):
கடந்தவை

அறிஞர் அ.ந.கந்தசாமி படைப்புகள்

வ.ந.கிரிதரனின் 'அமெரிக்கா' மின்னூல் விற்பனையில்..

வ.ந.கிரிதரனின் 'அமெரிக்கா' (குறூநாவலும் சிறுகதைகளும்) ஸ்நேகா (தமிழகம்) / மங்கை (கனடா) பதிப்பகங்கள் இணைந்து டிசம்பர் 1996இல் தமிழகத்தில் வெளியிட்ட தொகுப்பு நூல். 'அமெரிக்கா' ஈழத்து அகதியொருவனின் அமெரிக்கத் தடுப்பு முகாம் வாழ்வினை விபரிக்கும் குறுநாவல்.உண்மைச் சம்பவங்களின் அடிப்படையில் புனையப்பட்ட குறுநாவல். இத்தொகுப்பிலுள்ள சிறுகதையான 'ஒரு மா(நா)ட்டுப் பிரச்சினை' தமிழகத்தில் வெளியான 'பனியும் , பனையும்' தொகுப்பிலும் இடம்பெற்றுள்ளது. மேற்படி குறுநாவலினிதும் சிறுகதைகளினதும் ஆங்கில மொழிபெயர்ப்பு (லதா ராமகிருஷ்ணனால் மொழிபெயர்க்கப்பட்டவை) இன்னும் நூலாக வெளிவரவில்லை. 'அமெரிக்கா' நூலின் முதற்பதிப்பினை $ 3 கனேடிய டாலர்களுக்கு PayPal தளத்தினூடு, அல்லது PayPal வழங்கும் கடனட்டை பாவிக்கும் வசதிகளினூடு வாங்கமுடியும். பணத்தைக் கொடுத்ததும் மின்னூல் கோப்பினை நீங்கள் பதிவிறக்கிக் கொள்ளலாம்.  நீங்கள் பணத்தைச் செலுத்தியதும் Order Completed பக்கம் Download இணைப்புடன் (link) திரையில் தெரியும்.  அந்த இணைப்பினை அழுத்தி நூலின் .pdf பிரதியினைப் பதிவிறக்கிக்கொள்ளலாம்.  வாங்க விரும்பினால் இங்கு அழுத்தவும்.

வ.ந.கிரிதரனின் 'மண்ணின் குரல்' மின்னூல் விற்பனையில்...

வ.ந.கிரிதரனின் 'மண்ணின் குரல்' மின்னூல் விற்பனையில். வ.ந.கிரிதரனின் 'மண்ணின் குரல்' நூலானது 'வன்னி மண்', 'அருச்சுனனின் தேடலும், அகலிகையின் காதலும்', 'கணங்களும், குணங்களும்' மற்றும் 'மண்ணின் குரல்' ஆகிய நான்கு நாவல்களின் தொகுப்பு. தமிழகத்தில் குமரன் பப்ளிஷர்ஸினரால் 1998இல் இதன் முதற்பதிப்பு வெளியிடப்பட்டது. 'மண்ணின் குரல்' ஏற்கனவே மங்கை பதிப்பகத்தினால் (கனடா) நாவல், கட்டுரைகள், கவிதைகளடங்கிய சிறு தொகுப்பாக வெளியிடப்பட்டது. நூலின் முதற்பதிப்பினை $ 4 கனேடிய டாலர்களுக்கு PayPal தளத்தினூடு, அல்லது PayPal வழங்கும் கடனட்டை பாவிக்கும் வசதிகளினூடு வாங்கமுடியும். பணத்தைக் கொடுத்ததும் மின்னூல் கோப்பினை நீங்கள் பதிவிறக்கிக் கொள்ளலாம்.  நீங்கள் பணத்தைச் செலுத்தியதும் Order Completed பக்கம் Download இணைப்புடன் (link) திரையில் தெரியும்.  அந்த இணைப்பினை அழுத்தி நூலின் .pdf பிரதியினைப் பதிவிறக்கிக்கொள்ளலாம்.   வாங்க விரும்பினால் இங்கு அழுத்தவும்


பதிவுகள் (Pathivukal- Online Tamil Magazine)



'பதிவுகள்' -  பன்னாட்டு இணைய இதழ்! |  ISSN  1481 - 2991
ஆசிரியர்:  வ.ந.கிரிதரன்
Editor-in - Chief:  V.N.Giritharan

'பதிவுகள்' -  பன்னாட்டு இணைய இதழ்! |  ISSN  1481 - 2991

"அனைவருடனும் அறிவினைப் பகிர்ந்து கொள்வோம்"

"Sharing Knowledge With Every One"

ஆசிரியர்:  வ.ந.கிரிதரன்
மின்னஞ்சல் முகவரி: ngiri2704@rogers.com
'பதிவுகள்'இணைய இதழில் விளம்பரம்: விபரங்கள்

'பதிவுகள்' ஆலோசகர் குழு:
பேராசிரியர்  நா.சுப்பிரமணியன் (கனடா)
பேராசிரியர்  துரை மணிகண்டன் (தமிழ்நாடு)
பேராசிரியர்   மகாதேவா (ஐக்கிய இராச்சியம்)
எழுத்தாளர்  லெ.முருகபூபதி (ஆஸ்திரேலியா)

அடையாளச் சின்ன  வடிவமைப்பு:
தமயந்தி கிரிதரன்

'Pathivukal'  Advisory Board:
Professor N.Subramaniyan (Canada)
Professor  Durai Manikandan (TamilNadu)
Professor  Kopan Mahadeva (United Kingdom)
Writer L. Murugapoopathy  (Australia)

Logo Design: Thamayanthi Girittharan

Yes We Can


Dr. Lalithambigai (Lali) Thambiaiyah

Dr. Lalithambigai (Lali) Thambiaiyah passed away on April 16, 2020 at Kaiser Hospital in Walnut Creek, California, USA. She was 61 years old. She is preceded in death by her father Mr. Kandiah Elankanayagam Kathirgamalingam, Retired Crown Advocate (1977), mother Manonmany (2014), sister Vijeyalakshmi (2018), father-in-law Velupillai Suppiah Thambiaiyah (1991), and mother-in-law Saraswathy (1987). Read More

வ.ந.கிரிதரனின் 'குடிவரவாளன்' நாவலினை மின்னூலாக வாங்க
வ.ந.கிரிதரனின் 'குடிவரவாளன்'
எழுத்தாளர் வ.ந.கிரிதரனின் 'குடிவரவாளன்' நாவலினை மின்னூலாக பிடிஃப் வடிவத்தில் வாங்க விரும்புபவர்கள் கீழுள்ள இணைய இணைப்பில் வாங்கிக்கொள்ளலாம். விலை $4 (கனடியன்): https://www.fatfreecartpro.com/i/yz46?single

வ.ந.கிரிதரனின் 'அமெரிக்கா' நாவலின் திருத்திய இரண்டாம் பதிப்பினை மின்னூலாக  வாங்க...

'அமெரிக்கா' மின்னூலினை, பிடிஃப் கோப்பாக  $3 (கனடியன்) செலுத்தி வாங்குவதற்கான இணைய இணைப்பு: https://www.fatfreecartpro.com/i/yzc9?single

எழுத்தாளர் வ.ந.கிரிதரன்

' வ.ந.கிரிதரன் பக்கம்'என்னும் இவ்வலைப்பதிவில் அவரது படைப்புகளை நீங்கள் வாசிக்கலாம். https://vngiritharan230.blogspot.ca/

No Fear Shakespeare

No Fear Shakespeare
சேக்ஸ்பியரின் படைப்புகளை வாசித்து விளங்குவதற்குப் பலர் சிரமப்படுவார்கள். அதற்குக் காரணங்களிலொன்று அவரது காலத்தில் பாவிக்கப்பட்ட ஆங்கில மொழிக்கும் இன்று பாவிக்கப்படும் ஆங்கில மொழிக்கும் இடையிலுள்ள வித்தியாசம். அவரது படைப்புகளை இன்று பாவிக்கப்படும் ஆங்கில மொழியில் விளங்கிக் கொள்வதற்கு ஸ்பார்க் நிறுவனம் வெளியிட்டுள்ள No Fear Shakespeare வரிசை நூல்கள் உதவுகின்றன.  அவற்றை வாசிக்க விரும்பும் எவரும் ஸ்பார்க் நிறுவனத்தின் இணையத்தளத்தில் அவற்றை வாசிக்கலாம். அதற்கான இணைய இணைப்பு:

நூலகம்

வ.ந.கிரிதரன் பக்கம்!

'வ.ந.கிரிதரன் பக்கம்' என்னும் இவ்வலைப்பதிவில் அவரது படைப்புகளை நீங்கள் வாசிக்கலாம். https://vngiritharan230.blogspot.ca/

THANK YOU!

ஜெயபாரதனின் அறிவியற் தளம்

எனது குறிக்கோள் தமிழில் புதிதாக விஞ்ஞானப் படைப்புகள், நாடகக் காவியங்கள் பெருக வேண்டும் என்பதே. “மகத்தான பணிகளைப் புரிய நீ பிறந்திருக்கிறாய்” என்று விவேகானந்தர் கூறிய பொன்மொழியே என் ஆக்கப் பணிகளுக்கு ஆணிவேராக நின்று ஒரு மந்திர உரையாக நெஞ்சில் அலைகளைப் பரப்பி வருகிறது... உள்ளே

Wikileaks

மதுரைத் திட்டம்

மதுரைத்திட்டம்

Shami Accounting Services

charles_nirmalarajan5.jpg - 19.08 Kb

We provide complete accounting, federal and provincial tax services to individuals or businesses. Our objective is to continue to provide our clients with the highest level of service at the lowest possible fee tailor to your specific needs. Visit our site.

படிப்பகம்

உலக வானொலி